By: Ian Fiedalan
Hawak
nya ay balota sa Halalan
Kuyom ng palad ang mga ngalan ng
itatakda
Nakaupo sya sa sulok. Balot ng pawis
Pumipilipit sa
sakit ang sikmura
Nang bumubulong ang demonyo at nagwika:
Kumain
ka na ba? Pagkain.
Nais nya'y maibsan ang daing ng
katawan
Sa taong tagtuyot, ang alok na biyaya ay 'di maiwasan
At
ano ang kapalit ng pansamantalang kaibsan?
Itaya ang dangal at
isulat ang ngalan sa aklat ni Kamatayan
Sa huli'y singilin ng
demonyo na may labis pang interes
Isang katarantaduhan.
Tugon
ay HINDI.
Silid sa isipan ang tangis ng supling
Ang dungis
na kinasadlakan nilang mga kauri
Sa noo nila'y minarkahan ng sumpa
Kinaligtan
ng Pamahalaan matapos pagsamantalahan
Hinubdan ng karapatan!
Muli'y
nagmaskara ang demonyo
Bulong ay lubid na kasinungalingan
Nagbalat-kayo
nang mapagkamalang isa ring mahirap
Nag-aral bigkasin ang
lengwahe ng kahirapan
Kukunin ang loob upang pagnakawan.
Isang
katarantaduhan!
Nag-uumigpaw sa galit
Sa silid
ay tumungo. Sinulat ang posyon,
Na bubura sa tinuring na sumpa
Simulan
ang pagtayo ng bagong lipunan
Pamahalaang magtataguyod sa
kanilang karapatan
Walang kasinungalingan.
(c)2010
No comments:
Post a Comment