LSM Network

Ang Usapin Ng Pagiging Babae

Ni Zelda DT Soriano

Ang paksang ito’y

karugtong ng biruan at asaran,

ng ismid at kibit-balikat,

ng lingon, iling, at tango,

ng halukipkip, at upong dekwatro.

Ang dibate rito

ay suntok sa buwan,

bulong sa hangin,

lakad sa tubig,

tibag sa bundok.

Ang hantungan ng tunggalian

ay halik o tadyak.

Walang ipapanalong katwiran

mabaliw na si Sisa,

maupod man ang tuhod

ng lahat ng manang,

lumaylay na ang suso

at mapunitpunit man

ang puki ng lahat ng

Salome ng lipunang ito.

‘Pagkat ang usapin

ng pagiging babae

ay inihaharap ng bisig at kamao,

iginigiit ng may pag-ibig at kamalayan,

pinaninindigan ng armas at punglo.

Mauban, Quezon

(c)1990 by the author
_______

Zelda DT Soriano, lawyer, professor, award-winning journalist and writer, is currently the Political Advisor of Greenpeace Southeast Asia. Prior to joining Greenpeace, she also worked in ISIS Philippines and WGNRR. Both ISIS and WGNRR are active feminist non-government organisations in the Philippines that have network all accross the globe. Visit her blog at: http://attyzelda.wordpress.com/